Ekstremsportveko

Ekstremsportveko er ein årleg festival for ekstremsport ved Bømoen flyplass på Voss i Vestland. Festivalen har vore arrangert i juni-juli sidan 1997, før arrangøren i 2020 måtte avlyse på grunn av koronapandemien.

Festivalen inneheld konkurransar og oppvisningar i ulike idrettar og øvingar innanfor ekstremsport. I tillegg blir det arrangert filmvisningar og konsertar.

Ekstremsportveko er eigd av The Ekstreme Voss Foundation, som omfattar Voss Active, Voss kajakklubb, Voss hang- og paragliderklubb og Skydive Voss.

Symbol for arrangementet er dei fire elementa: vatn, luft, jord og eld.