ytringsklima

Alle fellesskap har eit ytringsklima. Eit godt ytringsklima kjenneteiknast ved ein kultur med takhøgde for meiningsutveksling og der kritikk og andre ytringar ønskast velkomne, som grunnlag for forbetring og utvikling i verksemda. For at ytringsklimaet skal være godt, må det både være trygt å seie meininga si – også kalla psykologisk tryggleik – og ytringane må ha effekt.

Frå 2020 har norske arbeidsgjevarar vore pålagde å leggje til rette for eit godt ytringsklima. Bakgrunnen for lovendringa var endringar i lovbestemmelsane om varsling i arbeidsmiljølova.

I forkant av lovendringa vart det diskutert om ein skulle påleggje arbeidsgjevarar å leggje til rette for eit trygt eller godt ytringsklima. I diskusjonen til Arbeids- og sosialdepartementet vart det peika på at ei verksemds ytringsklima vil slå inn i ei rekkje andre sider ved arbeidsmiljølova, enn kun varslingsreguleringa. For eksempel vil det ha stor betydning for samarbeid og medverking i organisasjonen og dermed organisasjonens evne til å oppretthalde eit fullt forsvarleg arbeidsmiljø. Eit godt arbeidsmiljø vil og virke positivt på helse, sjukefråvær og motivasjon blant tilsette, og også på produktivitet og resultatet i organisasjonen, og kostnadar for samfunnet. På bakgrunn av dette konkluderte departementet med at arbeidsgjeverar ikkje berre skal leggje til rette for eit trygt ytringsklima, men også eit godt ytringsklima.