Varhaug er ein tettstad i Hå kommune i Rogaland. Tettstaden er ifølgje SSBs definisjon 1,5 km², og har 3381 innbyggjarar (2023).
Varhaug er administrasjonssenter i Hå kommune, og ligg på Sør-Jæren, ved Varhaug stasjon på Sørlandsbanen. Varhaug har trevare- og møbelindustri, ferdigmatproduksjon og mølle. Gjennom tettstaden går Fv. 504.
Nordaust for Varhaug ligg Åna fengsel, tidlegare Opstad tvangsarbeidshus, populært kalt «Jæderen». Åna fengsel er i dag eit av dei største fengsla i landet, og til institusjonen høyrer ein av dei største gardane i landet.
Namnet er opprinneleg eit gardsnamn, siste ledd siktar til ein stor gravhaug på garden Nordvarhaug; fyrste ledd er truleg norrønt vǫr, 'steinsetting, steinsett grav' eller 'banke av sand eller grus, morene'.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.