Bjarni Gissurarson

Faktaboks

Bjarni Gissurarson

Bjarni Gizurarson

født:
1621
død:
1712
Fødselsåret er omtrentleg

Bjarni Gissurarson var ein islandsk diktar og prest.

Bjarni Gissurarson var ein av dei fremste islandske diktarane på 1600-talet. Han skreiv både religiøse og verdslege dikt av ymse slag, særleg kritiske og humoristiske dikt, ypparlege diktbrev (ljóðabréf) og tekstar til islandske songdansar (vikivakar). Dikta peiker, både med det lyse religiøse uttrykket og det uttrykte nytteomsynet, fram mot opplysningstida.

Dikta hans vart ikkje trykte i særleg omfang, men eit utval av dei kom ut i 1960 med tittelen Sólarsýn (Solsyn). På norsk er han representert med gjendikting av Ivar Orgland i antologien Islandske dikt frå Sólarljóð til opplysningstid (1977).

Les meir i Store norske leksikon

Litteratur

  • Bjarni Gissurarson 1960. Sólarsýn. Kvæði. Utg. Jón M. Samsonarson. Reykjavík: Bókaútgáfa Menningarsjóðs.
  • Orgland, Ivar (oms.) 1977. Islandske dikt. Frå Sólarljóð til opplysningstid.Oslo: Fonna.
  • Páll Eggert Ólason 1948–52. Íslenzkar ævisskrár frá landnámstímum til ársloka 1940, I–V. Reykjavík: Hið íslenzka bókmenntafélag. I,167.

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg