Arild Hermstad

Arild Hermstad kjem frå Bergen. Han studerte økonomi ved Norges Handelshøyskole i Bergen i 1988–1990. Hermstad er cand.polit. i geografi frå Universitetet i Bergen i 1995. Han arbeidde i Sunnmørsbanken i 1986–1989 og var konsulent i Raftostiftelsen i 1999–2000. Han har vore kommunikasjonsrådgivar i Hold Norge Rent og prosjektkoordinator i Fortidsminneforeningen.

Hermstad var leiar av Framtiden i våre hender (FIVH) i 2001–2017. Han melde seg inn i Miljøpartiet Dei Grøne først i 2016. Allereie ved stortingsvalet i 2017 var han partiets førstekandidat i Hordaland. Han trekte seg som leiar av FIVH i 2017 for å stille på første plass på MDGs liste i Hordaland, men nådde ikkje opp ved valet. I perioden 2019–2020 var Arild Hermstad vikarierande byråd for miljø og samferdsel i Oslo, og 2020 vikarierande byråd for byutvikling. I 2023 vart han byråd for byutvikling. Han er medlem av Oslo bystyre frå 2023.

På MDGs landsmøte i 2018 vart han ny nasjonal talsperson for partiet saman med Une Aina Bastholm. Hermstad blei vald til mannleg talsperson for MDG i 2018 etter Rasmus Hansson. På landsmøtet til partiet i 2020 gjekk ein bort frå ordninga med to talspersonar, og Hermstad vart då vald til nestleiar på landsmøtet. Etter at Bastholm trekte seg i 2022 vart Hermstad først fungerande partileiar før han blei vald til partileiar på eit ekstraordinært landsmøte i november 2022.

Hermstad har hatt ei rekkje verv i frivillige organisasjonar, mellom anna var han styreleiar i Syklistenes Landsforening i 2013–2018.

• Miljøpartiet Dei Grøne
• Framtiden i våre hender
• Oslo – administrasjon

• Miljøpartiet Dei Grøne: Arild Hermstad