Zellig Sabbetai Harris var ein amerikansk språkforskar, fødd i Russland. Han var professor i lingvistikk ved University of Pennsylvania i 1947–1980.
Zellig Sabbetai Harris
Faktaboks
- Uttale
- hˈæris
- Fødd
- 1909
- Død
- 1992
Semittisk
Harris tok doktorgraden I 1936 med avhandlinga A grammar of the Phoenician Language, og heldt fram med semittiske studium i boka Development of the Canaanite dialects: An investigation in linguistic history i 1939.
Strukturell lingvistikk
I tillegg til arbeid over semittiske språk gav han ut den metodisk viktige boka Methods in Structural Linguistics (1951), der han freistar å vise at ein kan analysere språklege element ut frå form og stilling utan omsyn til tydinga deira. Her vidareførte han ein sentral idé som Leonard Bloomfield la fram i boka Language frå 1933, og som seinare kom til å stå sentralt i den generative grammatikken til Noam Chomsky.
Matematisk lingvistikk
Vidare gav han ut arbeid om syntaks og matematisk lingvistikk, mellom anna med boka A grammar of English on mathematical principles frå 1982.
Påverknad
Arbeida og undervisninga til Harris hadde mykje å seie for utforminga av transformasjonell generativ grammatikk, og generative grammatikarar som Noam Chomsky og John Robert Ross var mellom studentane hans.
Politisk engasjement
Harris var politisk aktiv på venstresida, og han skreiv boka The transformation of capitalist society, som kom ut posthumt i 1997.
Eit utval av verka til Harris
- 1932. Origin of the alphabet. Upublisert masteravhandling frå University of Pennsylvania. 111 sider.
- 1936. A grammar of the Phoenician language. Ph. D-avhandling frå University of Pennsylvania, utgjeven i New Haven, Connecticut. 172 sider.
- 1939. Development of the Canaanite dialects: An investigation in linguistic history. New Haven, Connecticut. 108 sider.
- 1942. Phonologies of African languages: The phonemes of Moroccan Arabic. Journal of the American Oriental Society 62:4.309–318.
- 1945. Discontinuous morphemes. Language 21:3.121–127.
- 1951. Methods in structural linguistics. Chicago: University of Chicago Press. 384 sider.
- 1956. Introduction to transformations. (Transformations and Discourse Analysis Papers, 2.) Philadelphia: University of Pennsylvania. 9 sider.
- 1962. String analysis of sentence structure. (Papers on Formal Linguistics, 1.) The Hague: Mouton. 70 sider.
- 1968. Mathematical structures of language. (Interscience Tracts in Pure and Applied Mathematics, 21.) New York: Interscience Publishers John Wiley & Sons. 230 sider.
- 1970. Papers in structural and transformational linguistics. Dordrecht/Holland: D. Reidel. 850 sider.
- 1982. A grammar of English on mathematical principles. New York: John Wiley & Sons. 429 sider.
- 1988. Language and information. (Bampton Lectures in America, 28.) New York: Columbia University Press. 120 sider.
- 1991. A theory of language and information: A mathematical approach. Oxford & New York: Clarendon Press. 428 sider.
- 1997. The transformation of capitalist society. Baltimore: Roman and Littlefield. 256 sider.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.