abugida

Artikkelstart

Abugida er ein type skriftsystem der kvart teikn står for ein sekvens av ein konsonantljod etterfylgd av ein innebygd vokalljod.

Faktaboks

Uttale

abug'ida

Også kjent som

engelsk alphasyllabary

Abugidaer skil seg både frå ekte alfabetsystem, der ein skriv både konsonantar og vokalar, og frå abjadar, der ein skriv berre konsonantane.

Om vokalen skal vera ein annan enn den innebygde, eller om det ikkje skal vera nokon vokal, skriv ein det ved hjelp av diakritiske teikn over, under, eller ved sida av grunnforma til kvar konsonant. I devanagari skriv ein til dømes क ka (grunnform med innebygd vokal a), का , कु ku, के , क् k (der ् tyder «bortfall av vokal»), og like eins प pa, पा , पु pu, पे , प् p, og so vidare.

Ordet abugida vert bruka mellom anna om dei indiske skriftsystema baserte på devanagari og om det etiopiske skriftsystemet (geez-skrift). Abugidaene vert stundom omtala som «alfabet».

Termen vart innførd i 1990 av lingvisten Peter T. Daniels. Namnet kjem av dei fire etiopiske bokstavane som svarar til ljodane ä [ə], bu, gi og da.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg