Utne

Utne er eit sokn i Ullensvang kommune, Vestland, som femner om nordspissen av Folgefonnhalvøya og det meste av vestbreidda av Sørfjorden; 1172 innbyggjarar (2020). Det tett busette området rundt Utne kyrkje lengst nord på halvøya har 158 innbyggjarar (2020). Utne er ferjestad med samband til Kvanndal og Kinsarvik (fylkesveg 7 og riksveg 13). Utne har vegsamband med Jondal i vest og Odda i sør ved fylkesveg 550 (Folgefonnvegen).

Hardanger Folkemuseum ligg i Utne og husar mellom anna bygningar frå mellomalderen, samlingar av Lars Utne sine arbeid, og Arnold Haukeland sin skulptur, Atlantico II, til minne om jektefarten i Hardanger.

Utne har turisttrafikk med lange tradisjonar. Utne hotell opna i 1722 som gjestgjevarstad, hotell frå ca. 1840 som det første i Hardanger. Hotellet, som ligg ved ferjestaden, er blant dei eldste i Noreg som framleis er i drift. Utne kyrkje, som er ei langkyrkje av lafteplank frå 1895 og teikna av arkitekt Peter A. Blix, ligg like søraust for Utne Hotell.

Kart

Utne
Av /Statens kartverk.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg