Jan Otto Myrseth er ein norsk teolog og prest. Han har vore biskop i Tunsberg bispedømme sidan september 2018.
Jan Otto Myrseth
Faktaboks
Jan Otto Myrseth
- Fødd
- 2. juli 1957, Sykkylven
Jan Otto Myrseth
Utdanning
Han er utdanna cand.theol. frå Det teologiske menighetsfakultet (MF vitenskapelige høyskole for teologi, religion og samfunn) i 1988. Han tok praktisk-teologisk eksamen same stad i 1989 og vart ordinert i Ikornnes kyrkje same året. Han har teke videreutdanning i liturgikk.
Karriere
Myrseth var vikarprest i Tunsberg bispedømme frå 1989, sokneprest i Norderhov frå 1991, prost i Ringerike prosti frå 2004. Han var domprost i Bergen frå 2010 til han blei tilsett som biskop i Tunsberg i 2018. Han har vore sjukehusprest i deltidsstilling ved Ringerike sjukehus og lærar i homiletikk (preikelære) ved Menighetsfakultetet.
Familie
Jan Otto Myrseth er bror til Ottar S. Myrseth.
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.