Kinsos dalføre i Ullensvang kommune, Hordaland, frå Kinsarvik mot søraust til den vestlege Hardangervidda. Kinso dannar i Husedalen eit mektig fosselandskap med mellom anna Søtefossen, Nykkjesøyfossen, Nyastølfossen og Tveitafossen. Veg fører langs nedre del av elva til bygdekraftverk nedanfor Tveitafossen. Derifrå merka rute opp dalen til Stavali turisthytte. Det meste av Husedalen ligg i Hardangervidda Nasjonalpark.