Kinso, elv i Ullensvang herad, Hordaland, kjem frå traktene omkring Skålsnuten (1456 moh.), renn gjennom bl.a. Nedre Omkjelsvatnet (1197 moh.) og Veivatnet (4,7 km2, 1172 moh.) og renn i havet ved Kinsarvik kyrkje. Dannar ei rekkje høge fossar, Søtefossen, Nykkjesøyfossen, Nyastølfossen og Tveitafossen. Nedbørfelt 292 km2. Flaum i november 1940 gjorde stor skade på jordeigedom ved utløpet. Flaumproblemet er vesentleg redusert ved at elveløpet har vorte modifisert (frå to til eitt løp).

Øvre og midtre del av Kinsovassdraget inngår i Hardangervidda nasjonalpark. Også nedre del er verna mot kraftutbygging. Ein eldre, opprusta kraftstasjon, Tveitafoss (1,7 MW), er i drift i nedre del av vassdraget, men for øvrig er vassdraget verna mot bygging av nye anlegg.

I dalføret er det bygt skogsveg til Nykkjesøy. Fotturrute til Stavali Turisthytte.

Foreslå endringer i tekst

Foreslå bilder til artikkelen

Kommentarer

Har du spørsmål til artikkelen? Skriv her, så får du svar fra fagansvarlig eller redaktør.

Du må være logget inn for å kommentere.