Bernt Theodor Anker

Faktaboks

Bernt Theodor Anker
født:
7. mars 1867, Vestre Aker (nå Oslo)
død:
21. august 1943, Ullensvang, Hordaland

Bernt Theodor Anker var ein norsk prest, og ein av dei første prestane som heldt preiker på nynorsk.

Anker vart cand.theol. i 1890, og etter å ha vore prest nokre år, var han lærar ved Voss folkehøgskule i åra 1901 til 1908. Han var stiftskapellan (ungdomsprest) i Kristiania stift frå 1908, sokneprest i Ullensvang frå 1914 til 1937 og fungerte samstundes som prost i Hardanger frå 1918 til 1937.

Anker verka for ungdomsarbeid, fråhalds- og målsaka. Han var prega av grundtvigianismen med eit kulturope kristendomssyn. Mange av føredraga hans er prenta, sameleis tre band med barnepreiker og sjølvbiografiske skildringar i fem band.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg