UlrikCicignon

General og stiftamtmann Ulrik Frederik de Cicignon (1698–1772) var ein av dei sentrale aktørane i strilekrigen i 1765.

UlrikCicignon
Av .
Lisens: CC BY 2.0

Strilekrigen var ei rekkje opprør i Bergen våren 1765, då bønder frå Nordhordland og Midhordland samla seg til protest mot ekstraskatten av 1. oktober 1762.

Ekstraskatten hadde råka den fattige bonde- og fiskarallmugen i distrikta rundt Bergen særleg sterkt. Utlikninga og innkrevjinga av skatten i 1764 var også uklar og prega av misforståingar, noko som auka mistrua til skatten og styresmaktene. Ei militær inndriving av skatterestansar i 1765 førte til at fleire hundre bønder reiste til Bergen i mars 1765 for å klaga, med munnhoggeri og tumultar som resultat. I april same år gjentok klageferda seg, men denne gongen med fleire deltakarar både frå omlandet i byen og bybefolkninga sjølv. Oppløpet i april innebar eit høgare konfliktnivå. Både stiftamtmannen og futen blei utsette for fysiske overgrep. Opptøyane roa seg då stiftamtmannen gjekk med på å betala tilbake skatten.

Ein undersøkingskommisjon kom til Bergen sommaren 1765 og arbeidde fram til året etter med å kartleggja både opptøyane og innkrevjinga av skatten. Dei utpeikte hovudmennene blei ved høgsterettsdom i 1768 dømde til døden. Éin var då alt død i fengselet, medan dei tre andre fekk seinare dødsdommen omgjord til fengselsstraff.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg