Nonnehauk er ein middels stor rovfugl i haukefamilien og har naturleg utbreiing i Afrika sør for Sahara.
Faktaboks
- Vitskapeleg namn
- Accipiter melanoleucus
- Beskriven av
- Smith, A, 1830
Som vaksen er fuglen ca. 50 cm lang, hannfuglar veg rundt 550 gram og hofuglane rundt 860 gram.
Arten er knytt til ulike habitat, mellom anna fuktig tropisk skog, tropisk fjellskog, plantasjar, urbane område og tørr tropisk buskmark. Nonnehauk lever av små varmblodige dyr som han fangar i buskar og i skogen.
Hekking skjer éin gong i året, og i løpet av hekkeperioden legg hofuglen rundt tre egg som blir ruga ut i løpet av ca. 38 dagar. Ungane forlèt reiret om lag seks veker etter klekking og blir kjønnsmodne i løpet av tre til fire år.
Nonnehauk lever vanlegvis i rundt åtte år, men enkelte individ kan bli opptil ti år gamle.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.