Hygge, kos, kjensle av velvære, avslappa og vennleg stemning, særleg i samvære med familie eller vener, gjerne i aktivitetar som måltid, samtale, spel og liknande.

Ordet vandra frå norsk til dansk i løpet av 1800-talet. I dansk har ordet fått stor utbreiing og blir der brukt i langt fleire samanhengar enn i norsk, særleg i ordsamband og samansetjingar. Det dekkjer også eit større semantisk felt, spesielt der det i norsk er vanlegare å bruke kos, for eksempel i utropet «Hyg dig!».

Ordet har vandra vidare frå dansk til engelsk, og i 2016 kåra det britiske ordbokforlaget Collins hygge til eitt av årets ti ord i Storbritannia. Frå 2016 vart det gjeve ut fleire bøker på engelsk om hygge som livsstil.

Foreslå endringer i tekst

Foreslå bilder til artikkelen

Kommentarer

Har du spørsmål om artikkelen? Skriv her, så får du svar fra fagansvarlig eller redaktør.

Du må være logget inn for å kommentere.