SORCE

Illustrasjon av SORCE i verdensrommet.
Av .
Lisens: NASA-lisens

SORCE er ein amerikansk satellitt som studerte korleis Sola påverkar Jorda. Det gjorde den ved å måle korleis ozonlaget, atmosfærisk sirkulasjon, skyer og hav vart påvirka av solinnstråling.

Faktaboks

også kjent som:

forkortelse for engelsk Solar Radiation and Climate Experiment

Satellitten vart skrudd av 25. februar 2020, etter 17 år med observasjonar. I løpet av denne tida rakk satellitten å observere sola gjennom delar av to 11-års solsyklar, som hadde minima i 2008 og 2019. På dette tidspunktet kunne eit anna instrument, Total and Spectral Solar Irradiance Sensor (TSIS-1), på Den internasjonale romstasjonen overta ansvaret for slike observasjonar.

Satellitten gjekk opphaveleg i ei bane med høgde på 645 kilometer og ein inklinasjon på 40 grader. Når no satellitten er skrudd av, er den å sjå på som romskrot. Frå denne banehøgda vil satellitten falle tilbake til Jorda i løpet av tida fram mot tidleg 2030-talet, og då brenne opp i atmosfæra.

SORCE vart skoten opp 25. januar 2003. Oppskytningen skjedde med ein flybåren Pegasus XL-bærerakett. Prosjektet var støtta av NASA.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg