Per Juvkam

Faktaboks

Per Juvkam
født:
21. mars 1907, Sør-Aurdal
død:
22. februar 2003, Oslo
Foto fra 1975.
Av /NTB Scanpix.

Per Juvkam, norsk teolog og biskop. Han var biskop i Bjørgvin bispedømme frå 1961 til 1977.

Juvkam vart cand.theol. ved Det teologiske menighetsfakultet i 1936 og ordinert i 1937. Han var hjelpeprest i Sør-Aurdal i 1937 og i Vestre Toten frå 1938, fullmektig ved Hamar bispekontor frå 1945 og stiftskapellan i same bispedømme frå 1947. Han var sokneprest i Vestre Slidre frå 1950, residerande kapellan i Sinsen, Oslo frå 1957 og biskop i Bjørgvin frå 1961–1977.

Juvkam var formann i Den norske presteforening i 1960–1962 og i Det frivillige kirkeråd i 1961–1965. Han var medlem av Kyrkje–stat-kommisjonen av 1971 og formann i høyringsutvalet for Norsk Salmebok i 1985.

Juvkam gav ut mellom anna eit register i kyrkjerett (1956), preikesamlinga Høgtidsdagar i Bjørgvin (1977) og Folkekirken – visjon og virkelighet (1980). Han redigerte jubileumsskriftet Bjørgvin bispestol. Byen og bispedømmet (1970), og tok del i arbeidet med 1978-utgåva av den nynorske bibelomsetjinga og den nynorske høgmesseliturgien som vart innført i 1977.

Etter oppdrag frå Bispemøtet arbeidde han ut Bønneboken med bønner og liturgier for Den norske kirke (1991).

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg