Faktaboks

Marie Aubert
Fødd
17. juli 1979
Marie Aubert, portrett
Av /Kagge forlag.
Voksne mennesker bokomslag
Forlaget Oktober.

Marie Aubert er ein norsk forfattar. Bøkene hennar er omsett til fleire språk. Ho har også vunne Ungdommens kritikarpris.

Bakgrunn

Aubert har utdanning og arbeidserfaring som journalist, mellom anna for Aftenposten, Bergens Tidende, Dagbladet og Dagsavisen. Ho jobbar som informasjonsrådgjevar i Kagge Forlag.

Forfattarskap

Trass i at Auberts forfattarskap er ganske lite i omfang, har ein å gjere med ein stilsikker forfattar som allereie har funne røysta si. I enkel stil og gjerne gjennom nesten naivistiske røyster, skriv Aubert om kompliserte tema og kjensler. Det handlar ofte om kjærleiken, om menneskelege forhold og om sosiale roller.

Aubert debuterte med novellesamlinga Kan jeg bli med deg hjem i 2016. Samlinga fekk god mottaking og var på lista over "årets beste bøker" i fleire aviser i 2016.

Gjennombrotet til Aubert kom i 2019 med romanen Voksne mennesker, eit kammerspel som tek opp tema som barnløyse og søskensjalusi. Hovudpersonen Idaer ei singel kvinne som nærmar seg førti og som skjønner at tida er i ferd med å gå ifrå henne. Romanen finn stad over nokre intense dagar med familien på ei lita hytte, saman med mellom andre hovudpersonen si gravide søster. Voksne mennesker er omsett til fleire språk, og Aubert blei nominert til Bokhandlerprisen og fekk Ungdommens kritikerpris for boka.

Novella "Bare gjøre det" er med i antologien Endelig sommer (2021).

Utgjevingar

  • Kan jeg bli med deg hjem (Noveller, Forlaget Oktober 2016)
  • Voksne mennesker (Roman, Forlaget Oktober 2019)
  • Jeg er egentlig ikke sånn (Roman, Forlaget Oktober, 2022)

Les meir i Store norske leksikon

Eksterne lenker

Litteratur

  • Dagsavisen «Dette er årets beste bøker». 13/12- 2016

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg