Store norske leksikon
Hjelmelandsvågen er ein tettstad i Hjelmeland kommune i Rogaland. Tettstaden er ifølgje SSBs definisjon 0,7 km², og har 561 innbyggjarar (2022).
Hjelmelandsvågen er administrasjonssenter i Hjelmeland kommune, ved Hjelmelandsvågen, ei bukt på sørsida av munninga til Jøsenfjorden. Trevareindustri. Tettstaden har bilferje på Rv. 13 over Jøsenfjorden til Nesvik og til Skibaviga på Ombo, og det er hurtigbåtsamband med Stavanger.
Namnet er etter Hjelmen, ein rund ås midt i bygda (207 moh.); av norrønt hjalmr, ‘hjelm, høystakk'.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.