Store norske leksikon
Gula Tidend var ei tidlegare norsk avis, grunnlagt i Bergen i 1904 av Johannes Lavik som organ for målrørsla. Avisa vart hovudorgan for målrørsla vestafjells, til ho vart lagt ned i 1996. Opplaget i 1995 var 2733, og Gula Tidend kom då ut tre gonger i veka.
Gula Tidend var før 1940 den av Bergens-avisene som hadde flest abonnentar på bygdene. 9. april 1940 vart avisa lagt ned av eigarane, fordi dei ikkje ville godta nazistisk sensur og kontroll. Først i 1948 kom ho ut att, men då hadde Bergens Tidende, som kom ut stort sett under heile krigen, teke over mykje av Gula Tidend sin marknad. Per Håland var redaktør i avisa frå 1954 til 1979.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.