Folkerepublikken Kina er det offisielle namnet på Kina, og siktar til det styret som blei etablert i Kina i 1949.
kinesisk Zhonghua Renmin Gongheguo (中华人民共和国)
engelsk People's Republic of China
Vanlegvis nyttar ein bare namnet Kina på norsk, men det fulle namnet er Folkerepublikken Kina, ikkje å forveksla med Republikken Kina, som er namnet som styresmaktene på Taiwan nyttar om si styreform.
Etter ein borgarkrig mellom Nasjonalistpartiet (Kuomintang) og Kinas kommunistparti blei Folkerepublikken Kina proklamert 1. oktober 1949. Denne datoen har i ettertid vore feira som Kinas nasjonaldag. Etter nederlaget i borgarkrigen flytta Nasjonalistpartiet regjeringa si til øya Taiwan og reetablerte Republikken Kina der.
Anerkjenning av at det bare er eitt Kina, at Taiwan er ein del av Kinas territorium og at det er styresmaktene i Folkerepublikken Kina som rettmessig representerer Kina, var grunnlaget for Kinas medlemskap i FN i 1971. Dette sokalla eitt-Kina-prinsippet er grunnlaget for alt diplomatisk samband med Kina. Folkerepublikken Kina har diplomatisk samband med 181 nasjonalstatar.
Noreg har hatt fullt diplomatisk samband med Folkerepulikken Kina sidan 1954.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.