Bjarne Nikolai Huus

Bjarne Nikolai Huus spelte i ungdomsåra for Førde Volleyballklubb, før han gjekk til Toppvolley Norge og spelte for dei medan han fullførte vidaregåande skule.

I 2015 gjekk vegen vidare til universitetsvolleyball for Long Beach State i USA. Der vann han i 2018 den amerikanske serien som første nordmann sidan Asbjørn Vølstad i 1987.

Huus spelte i sesongen 2018–2019 profesjonell volleyball for dei kypriotiske seriemeistrane Pafiakos Volleyball Club. Sesongen 2019–2020 spelte han for finske Karelian Hurmos, før koronapandemien sette ein stoppar for vidare spel i utlandet. Huus tok difor ein sesong med moderklubben Førde, før han sommaren 2021 skreiv under på ein ny proffkontrakt i Europa. Sesongen 2021–2022 spelte han for det nederlandske topplaget Amysoft Lycurgus, der han var med på å vinne cupfinalen våren 2022.

Framfor sesongen 2023–2024 reiste Bjarne Nikolai Huus tilbake til USA, der han vart assistenttrenar for Long Beach State University sitt kvinnelag.

• Amerikansk seriemeister med Long Beach State (2018)
• Cupmeister i Nederland med Amysoft Lycurgus (2022)
• Norsk seriemeister med Førde Volleyballklubb (2013)
• Norsk cupmeister med Førde Volleyballklubb (2016)
• Sølv i U19-VM i sandvolleyball saman med Christian Sørum (2013)
• Tredjeplass i verdsserien i sandvolleyball i Baden Open saman med Anders Berntsen Mol (2018)

• Førde Volleyballklubb, Noreg (–2015, 2020–2021)
• Long Beach State, USA (2015–2018)
• Pafiakos Volleyball Club, Kypros (2018–2019)
• Idrettslaget Koll, Noreg (2019)
• Karelian Hurmos, Finland (2019–2020)
• Amysoft Lycurgus, Nederland (2021–2022)

• Long Beach State University (assistent, 2023–2024)

• volleyball
• Førde Volleyballklubb

• Long Beach State: Spelarprofil
• Volleybox.net: Spelarprofil
• NRK: Dette trofeet har ikkje ein nordmann løfta på over 30 år