Faktaboks

Alexis Tsipras
Fødd
28. juli 1974, Aten
Alexis Tsipras
Alexis Tsipras blei Hellas' statsminister 26. januar 2015. Han var den yngste statsministeren på 150 år.
Die Linke.
Lisens: CC BY 2.0
Merkel og Tsipras

Alexis Tsipras i diskusjon med Tysklands forbundskansler Angela Merkel under et møte i Det europeiske råd.

Alexis Tsipras, gresk politikar, utdanna sivilingeniør med master i urban og regional planlegging. Han var Hellas' statsminister frå 26. januar 2015 til 8. juli 2019 og er leiar av Koalisjonen av det radikale venstre, SYRIZA.

Politisk biografi

Tsipras starta sin karriere som aktiv i Hellas' kommunistiske ungdom, (Kommunistikí Neolaía Elláda, KNE), ungdomspartiet til Det greske kommunistpartiet, KKE, seint på 1980-talet.

Seinare gjekk partiet KKE inn som ein del av Koalisjonen av venstre, organisasjonar og økologi, Synaspismós tīs Aristerás tōn Kinīmátōn kai tīs Oikologías, betre kjent som kun Synaspismos. Tsipras blei partiets første politiske sekretær.

Synaspismos var forgjengaren til, og skulle seinare bli ein del av, Koalisjonen av det radikale venstre, Synaspismós Rizospastikís Aristerás (SYRIZA). I februar 2008 blei Tsipras valt som leiar av SYRIZA og året etter blei han valt inn som medlem av det greske parlamentet for same parti.

I 2010 blei Tsipras valt som nestleiar i Det europeiske venstrepartiet. Han var også Det europeiske venstrepartiets kandidat til presidentskapet i Europakommisjonen i 2013.

Statsminister

Den 25. januar 2015 vann SYRIZA, med Alexis Tsipras i spissen, det greske parlamentsvalet. Dagen etter blei Tsipras sverja inn som Hellas yngste statsminister sidan 1865.

Alexis Tsipras blei fort eit namn i internasjonal presse då han ikkje tilpassa seg forventningane frå dei andre europeiske leiarane. Han tok avstand frå den gresk-ortodokse kyrkja ved å vera den første greske statsministeren til å sverja ei borgarleg heller enn religiøs eid. Han er ein av fire europeiske statsleiarar som opent har erklært seg som ateistar.

Han blei også fort kjent som statsleiaren som aldri gjekk med slips, og han møter stadig opp til møte i Brussel med open skjortekrage.

Etter tydeleg nedgang for SYRIZA i Europavalet i mai 2019, valte Tsipras å lyse ut nyval i Hellas. Det greske parlamentsvalet 7. juli 2019 resulterte i tap for SYRIZA og Tsipras måtte gå av som statsminister.

Tsipras sine største utfordringar som statsminister var reforhandling av villkåra for nye lån frå dei tre långivarane, Den europeiske unionen, Det internasjonale pengefondet og Den europeiske sentralbanken. Sjå gjeldskrisa i Hellas.

Les mer i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg