Aga, gamal gard i Ullensvang herad, Hordaland, på vestsida av Sørfjorden. Aga, med busetnad heilt frå steinalderen, var på 1200-talet hovudsete for ei adelsætt, der vi mellom andre kjenner riddaren Sigurd Brynjolvsson (død 1303), som var lagmann i Gulating og medlem i rådet til kong Eirik Magnusson.

Den eldste bygninga i Agatunet, Lagmannsstova, som etter dendrokronologisk datering i 2015 truleg er bygd omkring 1220–1230, vart freda i 1924. Det øvrige tunet vart freda i 1937 og består i dag av vel 30 hus. Rett opp for tunet er den 1506 m høge, bratte Aganuten, som det har gått fleire farlege skreder frå. Garden er delt i mange bruk.

Eit nasjonalt jordskiftesenter er etablert i tilknyting til Agatunet.

Foreslå endringer i tekst

Foreslå bilder til artikkelen

Kommentarer

Har du spørsmål om eller kommentarer til artikkelen?

Kommentaren din vil bli publisert under artikkelen, og fagansvarlig eller redaktør vil svare når de har mulighet.

Du må være logget inn for å kommentere.