Olivenpikulett er ein liten spettefugl i spettefamilien og har naturleg utbreiing i Sør- og Mellom-Amerika.
Faktaboks
- Vitskapeleg namn
- Picumnus olivaceus
- Beskriven av
- Lafresnaye, 1845
Som vaksen er fuglen ca. ni cm lang og veg rundt tolv gram.
Arten er knytt til fuktig og tørr tropisk skog, tropisk fjellskog, jordbruksland, tørr savanne og fuktig tropisk buskmark. Olivenpikulett lever av virvellause dyr (invertebratar) som han fangar i skogen og i buskar.
Hekking skjer to gongar i året, og i løpet av kvar hekkeperiode legg hofuglen rundt tre egg som blir ruga ut i løpet av ca. 14 dagar. Reira blir bygd i hôlrom. Ungane forlèt reiret om lag fire veker etter klekking.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.