lov um prisereglar og prisedomstolar

Lov um prisereglar og prisedomstolar er ei norsk lov som fastsett reglane for prise. Prise er å ta beslag i eit skip og/eller gods når det er krig. Høve til å ta prise er etter lova begrensa til fiendtleg skip og gods.

Lova stiller som vilkår at skipet eller godset tilhøyrer fiende som Noreg eller alliert stat er i krig med. I tillegg kan det takast prise i skip som tilhøyrer nøytralt land dersom frakta bryt med kunngjord blokade, eller dersom det fraktar krigsmateriell for fienden.

Avgjerd om å ta prise blir gjort av ein prisedomstol. Denne domstolen blir sett spesielt for føremålet og er i første instans tingretten på staden. Prisedomstolen skal etter lova ta avgjerd om at skipet eller lasta tilhøyrer Kongeriket Noreg dersom vilkåra er oppfylte.

Lova vart vedteken i etterkant av andre verdskrigen og kan sjåast i samanheng med resten av beredskapslovane som trer i kraft ved eventuell krig. Ein skilnad er at lov um prisereglar og prisedomstolar alltid gjeld, men blir først aktuell når vilkåra blir oppfylte ved eventuell krig.