kvarter

Artikkelstart

Kvarter er eit ord som opprinneleg betyr 'fjerdedel'.

Faktaboks

Uttale
kvartˈer
Etymologi
via mellomnedertysk quarter frå fransk quartier 'fjerdedel', av mellomalderlatin quartarium 'fjerdedel av eit mål', avleidd av quartus 'den fjerde'

I tidsrekninga er det snakk om ein fjerdedel av ein time, og tradisjonelt har kvarter også vore brukt som holmål (fjerdedel av ei tønne) og lengdemål (fjerdedel av ein alen).

Kvarter er også namnet på kvar av dei fire fasane til Månen.

I byar var kvarter opphavleg ein av fire delar som byen var delte inn i, eller om ein firedelt eller firkanta husmasse. No er det brukt om eit bystrok eller bydel. Den siste tydinga er også opphavet til kvarter som militært husvære, seinare om innkvartering generelt.

På eit orlogsskip har kvarter vore eitt av fire (seinare to) vaktlag som mannskapet er delt inn i.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg