Hegg Prunus padus i bløming
Hegg (Prunus padus) i bløming.
Hegg Prunus padus i bløming
Lisens: CC BY SA 3.0

Hegg er eit lauvtre i rosefamilien som er vanleg over store delar av Noreg. Hegg blømer i mai–juni med kvite blomestandar og mange blomar.

Faktaboks

Vitskapeleg namn
Prunus padus
Beskriven av
Carl von Linné
Raudlistestatus i Noreg
LC – Livskraftig
Global rødlistestatus
LC – Livskraftig

Skildring

Heggen blir som regel kraftig beita og ser litt sjaber ut utover sommaren. Langs Alnaelva i Oslo.
Prunus padus

Frukt av hegg. Foto frå: Kværkeby Mose, Midtsjælland, Danmark

Hegg er eit lauvtre som sjeldan blir høgare enn 15 meter. Yteveden er lys gul, kjerneveden litt meir brunleg, ofte med gulgrøne årer. Blada er fint sagtanna, blomane kvite og fruktene er svarte steinfrukter med snerpesmak.

Utbreiing

Utbreiing av hegg

Naturleg utbreiing av hegg (Prunus padus). Basert på data frå Den internasjonale naturvernunionen (IUCN Red List, versjon 3, 2017).

Utbreiing av hegg

I Noreg er hegg vanleg som enkeltståande tre i skogen gjennom heile landet. I fjellet veks heggen like langt opp som bjørka, og då er han buskforma og med opprette blomeklasar. Hegg er delt inn i to underartar, vanleg hegg, Prunus padus ssp. padus og fjellhegg, Prunus padus ssp. borealis.

Bruk

Veden til hegg er sterk og svært seig, og blir nytta til treskjering og dreiearbeid. Mindre greiner og renningar blir brukte til tønneband eller korgarbeid. Av frukta (heggebær) kan det lagast vin, likør og saft.

Borken inneheld bittermandelolje og blei tidlegare brukt i medisinen. Blada, blomane og fruktene er rike på dette stoffet. I fersk tilstand gir materiale av hegg ei sterk lukt som minner om karbol. Densiteten (massetettleiken) ved 15 prosent fukt er cirka 0,62 g/cm³.

Les meir i Store norske leksikon

Litteratur

  • Nedkvitne, Knut & Johannes Gjerdåker: Hegg og hassel i norsk natur og tradisjon, 1999, isbn 82-90660-21-9

Faktaboks

hegg
Prunus padus
Tidlegare vitskapleg namn
Padus avium Mill., Padus racemosa (Lam.) Gilib., Cerasus padus (L.) Delarbre
Artsdatabanken-ID
103375
GBIF-ID
3021037

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg