Blåskrike er ein stor sporvefugl i kråkefamilien og har naturleg utbreiing i Nord-Amerika.
Faktaboks
- Vitskapeleg namn
- Cyanocitta cristata
- Beskriven av
- (Carl von Linné, 1758)
Som vaksen er fuglen ca. 27 cm lang og veg rundt 80 gram.
Arten er knytt til temperert og boreal skog, tørr og fuktig tropisk skog, hagar og urbane område. Blåskrike lever i hovudsak av frø, virvellause dyr (invertebratar) og frukt som han finn på bakken, i skogen og i buskar.
Hekking skjer éin gong i året, og i løpet av hekkeperioden legg hofuglen rundt fire egg som blir ruga ut i løpet av ca. 17 dagar. Ungane forlèt reiret om lag tre veker etter klekking og blir kjønnsmodne i løpet av eitt år.
Blåskrike lever vanlegvis i rundt 18 år, men enkelte individ kan bli opptil 26 år gamle.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.