Wenzhou er ein hamneby i Kina. Byen er eit økonomisk, politisk og kulturelt senter i det søraustlege Zhejiang, ved munninga av Ouelva (Ou Jiang), ca. 350 km sør for Shanghai. Storbyområdet har 3 208 000 innbyggarar (estimat for 2015, FNs befolkningsdivisjon).
Etter 1970 ekspanderte byen kraftig som hamneby. Frå byen foregår det eksport av blant anna te, tømmer og frukt. Det er rike forekomster av alunitt i området, og foregår betydeleg foredling av matvarer og produksjon av vin. Elles har byen papirindustri, produksjon av jordbruksmaskinar.
Wenzhou ligg isolert til i provinsen. Han er heimstad for mange kinesarar som har utvandra til Nederland, Frankrike og Italia. Naturgassfeltet Lishui ligg om lag 150 km til havs utanfor kysten av Wenzhou, og starta produksjon i 2014.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.