Faktaboks

Vestmannalaget
Organisasjonstype
Forening/lag/innretning
Stifta
21.01.1868
Styreleiar
Jon Askeland
Vestmannalaget og Bondeungdomslaget Ervingen (bak) i hovudprosesjonen, 17. mai 2001 i Bergen
Vestmannalaget og Bondeungdomslaget Ervingen (bak) i hovudprosesjonen, 17. mai 2001 i Bergen
Av /NTB.

Vestmannalaget er eit landsdekkjande mållag, blant dei eldste mållaga i Noreg. Det høyrer til blant dei konservative laga i målrørsla, og arbeider for høgnorsk eller konservativ nynorsk.

Vestmannalaget vart stifta i Bergen 21. januar 1868, etter initiativ frå Henrik Krohn, som også var fyrste formann. Føremålet var å «arbeida fyre målsaki, kvessa tjodskapshugen hjå lagsmennerne og fremja nordmannskapen». Vestmannalaget var medlem i Noregs Mållag, men melde seg ut i protest mot rettskrivingspolitikken i 1962. Dei tok så initiativ til å stifte Ivar Aasen-sambandet i 1965, som vart ei samanslutning for dei høgnorske laga i målrørsla.

Laget gav ut tidsskriftet Fraa by og bygd frå 1870–1879. Dei har seinare gjeve ut eller støtta utgiving av fleire verk, mellom anna ei nynorsk bibelomsetjing og Ivar Aasens Norsk Ordbog (1918). Dei sette òg i verk ei rekkje andre måltiltak, støtte til folkehøgskular, restaurering av Håkonshallen i Bergen (nyopning 1898). Laget tok òg initiativ til nynorskbanken Landsbanken i Bergen i 1914 og forlaget Norsk Bokreidingslag, som kom i drift i 1939.

Les meir i Store norske leksikon

Faktaboks

Vestmannalaget
Sektorkode
7000 Ideelle organisasjoner
Næringskode(r)
94.991 Aktiviteter i andre interesseorganisasjoner ikke nevnt annet sted

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg