Leirvik er tettstad og administrasjonssenter i Stord kommune, Hordaland, på søraustsida av øya Stord. Leirvik er eit industri-, kommunikasjons- og skulesentrum. Tettstaden Leirvik omfattar heile det bymessig utbygde området frå Valvatna, ein tidlegare sjølvstendig tettstad mellom Leirvik og Sagvåg i sørvest, til Rommetveit i nordaust.

Leirvik er prega av industriverksemd, og denne er dominert av verkstadindustri med mellom anna Kværner Stord og Apply Leirvik.

Bilferjesamband frå Skjersholmane sør for tettstaden til Ranavik på Halsnøya, einskilde dagar også til Utbjoa i Vindafjord, Sydnes på Halsnøya, Borgundøya og Fjelbergøya. Snøggbåtsamband til Sunnhordland, Austevoll og Bergen. Leirvik har stoppestad på bussforbindelsen Bergen–Stavanger/Sandnes.

Høgskulen på Vestlandet (HVL) har fleire studietilbod på Rommetveit (Campus Stord), mellom anna lærar- og sjukepleiarutdanning. Stord vidaregåande skule har mange studieretningar. I Leirvik ligg Stord sjukehus under Helse Fonna HF (sjå helseforetak), og her er eit stort kulturhus med to kinosalar og symjehall. I Leirvik kjem avisa Sunnhordland ut.

Leirvik har ein del turisttrafikk. Her ligg Sunnhordland museum med Ådlandsstova, ei årestove frå mellomalderen. Hystadmarka i nordaust har 12 gravrøyser, og i eit par av dei er det gjort rike funn frå bronsealderen.

Stord kyrkje ligg sentralt i tettstaden, like utanfor munninga av Frugardselva; kyrkja er bygd i mur og oppførd i 1857, restaurert i 1957. Kyrkja har langplan og har 400 sitjeplassar.

Foreslå endringer i tekst

Foreslå bilder til artikkelen

Kommentarer

26. mars 2015 skrev Sverre Olav Lundal

Hei! Namneforma Valvatnet er ukjend. Plassen heiter Valvatna.

10. april 2015 skrev Geir Thorsnæs

Skrivemåten Valvatna stemmer overens med den formen som er benyttet både av Statens Kartverk og Statistisk sentralbyrå (om det tidligere selvstendige tettstedet), og skrivemåten er endret i samsvar med dette.
Geir Thorsnæs

Har du spørsmål om artikkelen? Skriv her, så får du svar fra fagansvarlig eller redaktør.

Du må være logget inn for å kommentere.