FolkOrg, stifta i 2009, er interesseorganisasjonen for folkemusikk og folkedans i Noreg. FolkOrg er ein samanslutning av tidlegare Landslaget for Spelemenn (stifta i 1923) og Norsk Folkemusikk- og Danselag (stifta 1987). FolkOrg har som formål "å arbeide for folkemusikken og folkedansen i Noreg ved å styrke deira rolle og vilkår i samfunnet".
FolkOrg har omlag 5000 einskildmedlemmer og 150 lokale spelemannslag / spel- og dansarlag. Organisasjonen er livssynsnøytral og partipolitisk uavhengig og har ope medlemskap.
FolkOrg har ei omfattande verksemd: Dei eig og driv bladet Folkemusikk (tidlegare Spelemannsbladet), deira største arrangement er den årlege Landskappleiken og den årlege Landsfestivalen i gammaldansmusikk, dei står bak Folkelarm - årleg bransjetreff for folkemusikk og verdsmusikk, og dei gjev ut Årbok for norsk folkemusikk.
Kommentarer
Har du spørsmål om eller kommentarer til artikkelen?
Kommentaren din vil bli publisert under artikkelen, og fagansvarlig eller redaktør vil svare når de har mulighet.
Du må være logget inn for å kommentere.