Spurvedue er ein fugl i duefamilien og ein av dei minste duefuglane i verda. Arten har naturleg utbreiing i Mellom-, Sør- og Nord-Amerika, og på spreidde øyar i Stillehavet.
Faktaboks
- Vitskapeleg namn
- Columbina passerina
- Beskriven av
- (Carl von Linné, 1758)
Som vaksen veg fuglen rundt 34 gram.
Arten er knytt til tørr og høgtliggjande tropisk buskmark, jordbruksland, urbane område og tørr savanne. Spurvedue er ein planteetar som lever av frø og frukt som han finn på bakken.
Hekking skjer to gongar i året, og i løpet av kvar hekkeperiode legg hofuglen som oftast to egg som blir ruga ut i løpet av ca. 13 dagar. Ungane forlèt reiret om lag to veker etter klekking og blir kjønnsmodne i løpet av elleve veker.
Spurvedue lever vanlegvis i rundt sju år.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.