Rusthalekolibri er ein liten fugleart i kolibrifamilien og har naturleg utbreiing i Mellom-, Sør- og Nord-Amerika.
Faktaboks
- Vitskapeleg namn
- Amazilia tzacatl
- Beskriven av
- (de la Llave, 1833)
Som vaksen veg fuglen rundt fem gram.
Arten er knytt til ulike habitat, mellom anna fuktig tropisk skog, tropisk fjellskog, jordbruksland, urbane område og mangroveskog. Rusthalekolibri lever av nektar som han finn i skogen, i buskar og i tre.
Hekking skjer to gongar i året, og i løpet av kvar hekkeperiode legg hofuglen som oftast to egg som blir ruga ut i løpet av ca. 16 dagar. Ungane forlèt reiret om lag tre veker etter klekking og blir kjønnsmodne i løpet av eitt år.
Rusthalekolibri lever vanlegvis i rundt sju år.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.