Niding er ein ærelaus person, ein ussel person som har gjort seg skuldig i skammelege gjerningar. I ein del dialektar blir ordet også brukt om ein gjerrig person.

Faktaboks

Etymologi
av norrønt níðingr, avleidd av níð ‘alvorleg ærekrenking’

I norrønt var níð den verste forma for hån og latterleggjering, og ein níðingr som hadde gjort seg skuldig i dette, fekk ei fredløysestraff som ikkje kunne sonast.

Nidingsdrap (níðingsvíg) var eit drap som gjorde gjerningsmannen til niding. Ein nidingsdåd eller eit nidingsverk var ei ærelaus og skurkaktig gjerning.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg