Maskeplystreand er ein middels stor andefugl i andefamilien og har naturleg utbreiing i Mellom- og Sør-Amerika og Afrika sør for Sahara.
Faktaboks
- Vitskapeleg namn
- Dendrocygna viduata
- Beskriven av
- (Carl von Linné, 1766)
Som vaksen er fuglen ca. 40 cm lang og veg rundt 650 gram.
Arten er knytt til ulike våtmarkshabitat, dyrkbar mark og ulike menneskeskapte akvatiske habitat. Maskeplystreand lever i hovudsak av plantedelar, virvellause dyr (invertebratar) og frø som han finn under vatn.
Hekking skjer éin gong i året, og i løpet av hekkeperioden legg hofuglen rundt åtte egg som blir ruga ut i løpet av ca. 27 dagar.
Maskeplystreand lever vanlegvis i rundt 12 år, men enkelte individ kan bli opptil 15 år gamle.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.