Jökull Jakobsson var ein islandsk forfattar. Han blir rekna som si tids fremste islandske dramatikar.
Jökull debuterte i 1951 med romanen Tæmdur bikar (Tømd beger). Han er kjend for teaterstykke som Pókók (1961), Hart í bak (1962), Dóminó (1972) og Sonur skóarans og dóttir bakarans (1978). Dei fleste av stykka hans er realistiske samtidsverk, formelt tradisjonelle, men i dei siste finst det også ein tydeleg symbolikk som er knytt til ein undertone av framandkjensle.
Sentralt i forfattarskapen står også novellesamlinga Næturheimsókn (Nattlig besøk, 1962) og romanen Skilaboð til Sandra (Beskjed til Sandra, 1981), som vart filmatisert i 1983.
Eit par av teaterstykka hans har vore oppførde i Noreg.
Han var bror av Svava Jakobsdóttir.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.