Edward Lear

Lear sine mest kjente bøker i dag er The Book of Nonsense (1846) og seinare samlingar med Nonsense Songs and Stories, More Nonsense Songs, Nonsense Alphabets og Nonsense Botany. I ettertid har gjerne desse blitt publisert som The Complete Nonsense of Edward Lear.

Dei sprudlande rima, merkelege nyorda og den rytmiske elegansen gjorde Lear populær både då og no, og han hadde stor innverknad på seinare barnebokforfattarar som Roald Dahl.

Lear var like mykje kunstnar som forfattar, og han komponerte også litt, og framførte gjerne eigne songar i sosiale lag.

Kunstnaren Lear starta som fugle-teiknar for vitskaplege publikasjonar, til dømes var ei bok om papegøyer det første han gav ut (1832). Seinare malte han landskapsbilde frå dei mange reisene sine til land som Hellas, Egypt og ikkje minst Italia, der han seiare slo seg ned. Men vi hugsar han mest i dag for illustrasjonane til nonsensversa.

Komponisten Lear laga musikk til nokre av Alfred Tennyson (1809–1892) sine dikt, som han også illustrerte. Lear sette også musikk til eigne vers.

Lear sleit med helseproblem som epilepsi og depresjon. Han gifta seg aldri, og døydde 75 år gamal i Italia. Den humoristiske figuren og streken blir ikkje mindre slåande når ein kjenner til dei mørkare sidene ved livet hans.

• 60 learics i norsk overføring, omsett og utgitt av Ola Strøm, 1988.
• Komplett nonsens, omsett av Thorstein Bugge Høverstad, 2006.

• Storbritannias litteratur

• Levi, Peter: Edward Lear : A Life, London: Tauris, 2013.
• Williams, James, Edward Lear, Liverpool University Press, 2020.