Deknepollen, tettstad i Vågsøy kommune, Sogn og Fjordane, ytst i Nordfjord. Deknepollen har 260 innbyggarar og er ein del av byen Måløy. Tidlegare var det ferjestad ved Ulvesundet.

Deknepollen omfattar størsteparten av fastlandsdelen av byen Måløy. Måløybrua går over sundet til Måløy, samla lengde 1224 m. Det er fiskeindustri med blant anna sildoljefabrikk, mekanisk verkstad og fleire høgteknologiske verksemder. Det finst og vidaregåande skule. Den tidlegare Hagevik tønnefabrikk er no freda og restaurert som museum.

Namnet kjem av norrønt djákn (eng. deacon), 'prelat i domkapitel', og pollr, 'fjordbukt'.

Foreslå endringer i tekst

Foreslå bilder til artikkelen

Kommentarer

Har du spørsmål til artikkelen? Skriv her, så får du svar fra fagansvarlig eller redaktør.

Du må være logget inn for å kommentere.