Alice Miller var ein sveitsisk psykoanalytikar, fødd i Polen, utdanna ved Universitetet i Zürich, der ho tok ei doktorgrad i 1953.
Ho fokuserte på opplevingane til barnet i ei verd der ho hevda at det å pryle, plage, nedverdige og audmjuke barn har vore sett på som oppseding til barnets beste heilt opp til våre dagar. Ho formulerte i bøkene sine og på nettsida si hypotesen om at barn ofte blir brukte og blir misbrukte for dei vaksnes behov, også dei seksuelle, og at seinare psykiske og fysiske forstyrringar har samanheng med dette.
Bøkene hennar er gitt ut i store opplag i ei rekkje land. I desse har ho blant anna tattt eit kraftig oppgjer med dogma til psykoanalysen.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.