Krisesenterlova er ei norsk lov som stiller krav til at kommunane har eit tilbod om krisesenter til personar som er utsette for vald eller truslar i nære relasjonar. Eit krisesenter er eit senter der kvinner, menn og barn utsett for vald i nære relasjonar kan opphalde seg og søkje rettleiing og hjelp.
Faktaboks
- Fullt namn
- lov om kommunale krisesentertilbod
- Kortnamn
- krisesenterlova
- Lovdata-ID
- NL/lov/2009-06-19-44
Før iverksetjing av lova var krisesentera i Noreg primært drifta av private aktørar. Det var nokre få kommunale krisesenter. Det var store skilnader med omsyn til kor mange krisesenter dei ulike fylka hadde og kor stor kapasitet dei ulike sentera hadde. Lova blei vedteken for å sikre eit meir heilskapleg og likt tilbod for krisesenter i Noreg. Ansvaret blei i lova lagt til kommunane ettersom dei allereie har ansvar for ein del av tilboda som brukarane nyttar seg av, under dette ulike helse- og sosialtilbud.
Alle som jobbar for krisesenter har teieplikt om kven som nyttar seg av tilbodet. Brot på teieplikta medfører straffansvar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.