Shenzhen

Fra byen Shenzhen som ligger lengst sør i Guangdong, nær grensen til Hong Kong. Bildet er hentet fra papirleksikonet Store norske leksikon, utgitt 2005-2007.

Av /KF-arkiv ※.

Artikkelstart

Shenzhen er ein viktig by i provinsen Guangdong i Kina, ved grensa til Hongkong, med 13 millionar innbyggarar (2018) og eit areal på 1,997 kvadratkilometer. Byen er ein av Kinas ti største.

Faktaboks

Også kjent som

Shēnzhèn 深圳市

Shenzhen er ein kystby med subtropisk klima.

Økonomi og næringsliv

Eit fullasta konteinerskip på veg frå Shenzhen symboliserer kor viktig byen er for global handel.
Fullasta konteinerskip
Lisens: CC BY SA 3.0
Shenzhen sentrum
Lisens: CC BY SA 3.0

Som eit resultat av dei siste tretti års reformpolitikk har Shenzhen utvikla seg frå fiskarlandsby til finans- og teknologisentrum; frå arbeidsintensivt til kapitalintensivt næringsliv; frå lågkompetent til høgkompetent arbeidsliv, frå eit liv i skuggen av Hongkong til ein by som på svært mange område overgår sin nabo. Bybiletet er prega av nye høgblokker og fleire flotte parkanlegg.

Styresmaktene i byen satsar på å utvikla finans, logistikk, kultur og høgteknologi. Shenzhen har ein av Kinas tre børsar (dei andre er i Shanghai og Hongkong). Ping An Insurance og China Merchants Bank har hovudkontor i byen; det same gjeld droneprodusenten DJI og teknologiselskapa Huawei, Tencent og ZTE. Fleire store logistikkselskap har også base i byen. Byen har fleire universitet.

Samferdsel

Byen har ein moderne og svært travel internasjonal flyplass, jarnbane/hurtigtog, bybane og ferjesamband. Alle byens drosjar og bussar er elektriske. Shenzhen har ein av verdas største konteinerhamner.

Kultur

Overseas Chinese Town (OTC); turistattraksjon utanfor Shenzhen
Lisens: CC BY SA 3.0

Shenzhen er den eineste byen i Guangdongprovinsen der standard kinesisk (putonghua) er hovudspråk. Byens innbyggarar kjem fra heile landet, og både kultur og matvanar er prega av dette kulturelle mangfaldet.

Les mer i Store norske leksikon

Eksterne lenker

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg