Onan er ein skikkelse i Det gamle testamentet/Den hebraiske bibel som var son av Juda og ei kanaanittisk kvinne. Nemninga onani kjem frå forteljinga om Onan i første Mosebok, kapittel 38, vers 1-11.
Onans eldre bror døydde barnlaus, og Onan ekta sin brors enkje Tamar, etter pålegg frå faren. Onan var klar over at ein eventuell son ville bli rekna som son til broren, og på grunn av skikken med levirat bli arvingen til broren. Difor ville han unngå at Tamar skulle bli gravid. I første Mosebok står det at han difor lét sæden «gå til spille på jorda» og at Gud straffa han med døden for dette.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.