Maria Louise Ramé var ein engelsk forfattar som hadde suksess med sine sensasjons- og historiske romanar i siste halvdel av 1800-talet. Ho hadde ein stor produksjon med omlag 40 romantitlar, og gav alle ut under det korte pseudonymet 'Ouida'. Hennar eige namn har vore mindre kjent.
Den første romanen var Held in Bondage (1863), og mellom dei andre kan ein nemne Chandos (1866), Under Two Flags (1867), Moths (1880), og In Maremma (1882). Den amerikanske forfattaren Jack London skal som barn ha blitt så inspirert av boka Signa (1875) at han ville skrive sjølv.
Også barneboka A Dog of Flanders (1872) har vore populær i fleire land, og har vore filma fleire gonger, og gått på japansk fjernsyn som teiknefilm. Fleire av dei andre bøkene til Ramé har også vore adaptert for film, særleg i den tidlege perioden.
Ramé budde halve livet i Italia, lenge saman med mora, og er også gravlagt der.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.