Leirdalen, dal i Lom kommune, Innlandet, sidedal til Bøverdalen. Dalen går i om lag 30 kilometers lengde mot sørvest, seinare mot sør, inn i Jotunheimen til Leirvatnet. Elva Leira renn gjennom dalen og ut i Bøvri. Elva har tilløp frå brear på begge sider av dalen, og har fått namnet sitt etter breslammet som smeltevatnet fører med seg.
Sognefjellsvegen (Fv. 55) går på ein strekning på ca. 10 km i nedre delen av Leirdalen, og der dalen svingar mot sør går bilveg til Leirvassbu turisthytte. I samband med utvidinga av Tyin kraftverk i Årdal på 1950-talet vart det bygd ein anleggsveg frå Leirvassbu opp Gravdalen til Gravdalsdammen.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.