Brunfossekall er ein stor sporvefugl i fossekallfamilien og har naturleg utbreiing i Asia og Russland.
Faktaboks
- Vitskapeleg namn
- Cinclus pallasii
- Beskriven av
- Temminck, 1820
Vaksne hannar veg rundt 88 gram og hofuglane rundt 74 gram.
Arten er knytt til elvar og bekker og lever av virvellause dyr (invertebratar) som han fangar under vatn og i vassoverflata.
Hekking skjer to gongar i året, og i løpet av kvar hekkeperiode legg hofuglen rundt fem egg som blir ruga ut i løpet av ca. 16 dagar. Reira blir bygd i hôlrom. Ungane forlèt reiret om lag tre veker etter klekking.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.