alagoashokko

Alagoashokko er ein stor hønsefugl i hokkofamilien og hadde naturleg utbreiing i Brasil, men er i dag rekna for å vere utrydda i vill tilstand.

Som vaksen er fuglen ca. 80 cm lang, hannfuglar veg rundt 3,4 kilo og hofuglane rundt 2,7 kilo.

Arten er knytt til fuktig tropisk skog. Alagoashokko lever av frukt som han finn på bakken.

I løpet av hekkeperioden legg hofuglen som oftast to egg som blir ruga ut i løpet av ca. 30 dagar.