Ballklubb Tromsø er ein av dei mestvinnande volleyballklubbane i Noreg. Klubben vart skipa i 1975 og har sidan vunne ti kongepokalar og delteke i europacupen fleire gongar. BK Tromsø har i dag om lag 250 medlemmar på topp- og breiddenivå.
Ballklubb Tromsø vart raskt ein av dei dominerande klubbane i Noreg. Berre fem år etter at klubben såg dagens lys, rykte herrelaget i 1980 opp til 1. divisjon, som den gongen var landets øvste divisjon. Allereie i 1981 vart dei noregsmeistrar for første gong. Deretter tok laget fire nye NM-titlar på rad, og dei vart seriemeistrar tre gongar i den same perioden.
Heimekampane samla 700-800 tilskodarar, og BK Tromsø spelte på 1980-talet fleire europacupkampar med mellom 2000 og 3000 tilskodarar på tribunane.
Kommunen la i denne perioden forholda godt til rette for det sportslege, ved at klubben fekk adgang til anlegg og gunstige treningstider. På midten av 1980-talet stilte BK Tromsø med 11-12 lag i seriespel.
Utover på 2000-talet har klubben igjen vore blant dei beste i Noreg. BK Tromsø vann serien i 2004 og 2007. Laget har og blitt noregsmeistrar med jamne mellomrom, etter at dei igjen vann NM-finalen i 2003. BK Tromsø har totalt ti kongepokalar for herrar. Klubben er med det den mestvinnande i NM på herresida i Noreg.
Sesongen 2019–2020 hadde BK Tromsø for første gong lag i den øvste divisjonen også for damer. Klubben var då representert med lag i eliteserien både for damer og herrar.
Jon Martin Buvarp, Svein Arild Jakobsen, Jørn Vestre, Jan Rønnestad, Robert Larsen, Harry Fagervold og Terje Øvergård.
Store norske leksikon
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.