Svein Arild Jakobsen var ein norsk volleyballspelar frå Dyrøy i Troms. Han står med flest landskampar i volleyball for menn i Norge. Jakobsen har fleire cup- og seriegull.
Svein Arild Jakobsen
Faktaboks
Svein Arild Jakobsen
- Fødd
- 23. april 1958
- Død
- 5. september 2017
Karriere
Svein Arild Jakobsen byrja karrieren i barndommen i Brøstadbotn. I 1980 reiste han til Tromsø for å gå lærarskulen. Han vart då ein viktig spelar for BK Tromsø, som snart var det beste laget i landet. I perioden 1981 til 1985 vart tromsøværingane norgesmeistrar fem år på rad. I same periode vart dei seriemeistrar tre gongar.
Jakobsen var sentral då BK Tromsø på det meste trekte opp mot 4000 tilskodarar i Gyllenborghallen, mellom anna då dei i 1983 møtte det greske storlaget Panathinaikos i europacupen.
I 1986 var Jakobsen tilbake moderklubben då Brøstadbotn spelte seg opp i eliteserien. Det resulterte i fleire cupfinalar. To av dei enda med NM-gull.
Svein Arild Jakobsen har med sine 130 kampar rekorden i tal landskampar for det norske herrelandslaget i volleyball. Han var i ein periode også assisterande landslagstrenar.
Merittar
- Norgesmeister sju gongar
- Seriemeister tre gongar
Klubbar
- Brøstadbotn
- BK Tromsø
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.